Arzhoù teknikel bigi inizi ar Mor-Bihan
25 January 2022
Arzhoù teknikel bigi a gas ac’hanoc’h da zizoloiñ inizi a-hed aod ar Mor-Bihan : Enez Groe, Houad, Edig ha Gerveur a vez taolet dindan un arzhiad pemdeziek bep bloaz.
Arzhoù teknikel evit bezañ sur e ya mat ar bigi
Evit kreskiñ startijenn ha plijadur ar veajerien e vez graet an arzhoù-se, met ivez (hag dreist-holl) evit derc’hel gant reolennoù strizh war an diogelroez hag ar servijoù (atestadurioù ar c’hof ha makiñerezh gant Bureau Veritas).
Evel ar c’hontrol teknikel ret evit ur c’harr-boutin bep daou vloaz, e vez gwiriaet bep bloaz pep bag a gas war-du inizi ar Mor-Bihan. Bep pemp bloaz, e vez ur gwiriadenn donoc’h c’hoazh, gant kontroloù evel ar muzul eus tevder ar c’hof, an test evit ar palenn kirri evit ar bigi-roulied pe c’hoazh gweladennoù diabarzh e-barzh an tankoù diesel, da skouer.
E-pad an arzh teknikel, ez a skipailh ar vag da heul ar pezh a zo da vezañ graet (troc’hañ, netaat, livañ…). E vezont war-sav gant al labourioù, e roont pezhioù ma ‘z eo ezhomm ha sellont ouzh ar resped ouzh ar c’houlzadoù diogelroez. Betek 20 embregerezh diavaez a c’hall bezañ renet gant an nebeud tud eus ar vag.
Padout a ra un arzh teknikel etre 3 ha 4 sizhunvezh, a-wechoù 5. Da vare ar mare-se, ne c’hell ket ar vag ober he daou-ha-daou pemdeziek.
