Kinnig evit an embregerezhioù hag ar PSE
LAKAIT HO KOPRIDI DA ANAVEZOUT INIZI KREISTEIZ BREIZH
Evel leizh a embregerezhioù pe P.S.E., lakait ho skipailhoù d’ober anaoudegezh gant inizi ar Mor-Bihan pe d’emvataat eus prizioù spletus evit gweladenniñ inizi Kreisteiz Breizh hañv-goañv.
Aes eo tizhout ar Gerveur, Enez-Groe, Houad hag Edig eus Kiberen pe eus an Oriant ha deservijet e vezont a-hed ar bloaz gant Kompagnunezh ar Meurvor.
Evit ober anaoudegezh pe lakaat d’ober anaoudegezh gant al lec’hioù touristel dibar-mañ e kinnigomp div formulenn deoc’h :
.
AN TROIADOÙ A-STROLL (BODADOÙ STUDI, KREÑVAAT SKIPAILHOÙ...)
Evit ho troiadoù aozet a-stroll war-du an inizi, bezit gwell eus un distaol war an treuzadennoù mor, etre 20 ha 30% war ar priz publik, diouzh an niver a dud (adalek 15 den). Anavezit hor c’hinnigoù evit ar strolladoù.
AR VILHEDEREZH HINIENNEL GRAET A-RATOZH EVIT AR PSE DA VONT WAR INIZI KREISTEIZ BREIZH
Karout a rafe gopridi zo beajiñ gant o familh pe gant mignoned hag emvataat eus ar gwellañ prizioù. Evit respont d’ar pezh a c’hortozont e kinnigomp deoc’h ur vilhederezh hiniennel aes da implijout.
Gant ar c’hinnig dibar-mañ « A-ratozh evit ar Poellgorioù Embregerezh » e c’hellit emvataat eus un distaol a sav betek 30%, en uhelamzer hag all, war an treuzadennoù war-du inizi ar Mor-Bihan.
Evit pep embregerezh a garfe lakaat e c’hopridi da dennañ gounid eus un distaol war bilhedoù treuziñ ar mor war-du inizi ar Mor-Bihan, ha pa vefent o veajiñ o-unan, gant o familh pe gant mignoned.
Prenañ a ra PSE an embregerezh un niver a vilhedoù hiniennel mont-dont, oadourien ha bugale, gant ur priz gwell ha gwerzhañ a ra anezho d’e c’hopridi da c’houde, d’ar memes priz pe gant ur skoazell arc’hant ouzhpenn. Implijout a ra ar c’hopridi o skridoù-eskemm d’an deizioù ha d’an eurioù a blijo dezho, evit unan eus al lec’hioù touristel kinniget.
Ret eo urzhprenañ 10 skrid-eskemm da nebeutañ, en eskemm da 10 treuzadenn mont-dont war-du inizi Kreisteiz Breizh. Dav eo vefe d’ar c’hementad dre rumm priz (oadourien pe tud yaouank) bezañ lieskement da 10. Graet e vo pep urzhiad dre skrid oc’h implijout ar baperenn urzhiadiñ stag. Dre lizher :
Kompagnunezh ar Meurvor –Kinnig Dibar PSE –Gar-vor –Kae Bonnelle –56 360 Porzh-Lae pe dre implijout hor furmskrid daremprediñ ha dibab an abeg daremprediñ Kinnig PE / PSE.
N’eo ket ar skridoù-eskemm teulioù treuzdougen e mod ebet, ret eo eskemmañ anezho ouzh bilhedoù treuziñ merket deiziad hag eur ar morvale warno. Da c’houzout ne vo deroet teul treuzdougen ebet anez ne vefe diskouezet ar skrid-eskemm. Rankout a ra ar c’hopridi mirout o zreuzadennoù ur sizhun a-raok ma loc’hint da nebeutañ, dre bellgomz 02 97 31 34 45 (priz ur bellgomzadenn lec’hel) o resisaat niverenn ar skrid-eskemm, pe er gar-vor war-eeun.
Emañ ar skridoù-eskemm e talvoud e-pad 12 miz adalek an deiziad prenañ gant ar PSE. E fin an dalvoudegezh ne vo ket adkemeret ar skridoù a chomo gant ar PSE pe gant ar c’hopridi, ne vo na kaoud na daskor a-berzh Kompagnunezh ar Meurvor.
- Deuit e darempred ganeomp oc’h implijout ar furmskrid daremprediñ hag o tibab an abeg : Kinnig PE / PSE. Hon atebeg war an darempredoù gant an embregerezhioù a zeuio davedoc’h dindan berr amzer.